Luciano Lemos Gómez

A anterior fotografía foi sacada o 29 de abril de 2016 por Rubén Troitiño durante unha entrevista realizadas xunto a José Luis Troitiño. 

Aínda que a súa memoria empezaba a fallar, Lemos recordaba os tempos en que tocaba a gaita en diferentes lugares da contorna, como Tenorio, Viascón, Cerdedo, Campo Lameiro, Viascón, Carballedo, Chacente, Codeseda ou A Estrada. Tanto tocaba como gaiteiro solista, como en compañía de outros músicos da zona de Cuntis. Nas festas locais, reuníanse dous ou tres gaiteiros e tocaban, aínda que non lembraba ben os nomes dos seus compañeiros de actuación, só recordaba a un tal Julio, que traballaba no comercio da madeira, e a Paco "Rin-Ran", un gaiteiro procedente da zona das Rías Baixas, concretamente de Bueu.

Tamén destacou pola súa habilidade na fabricación de palletas. Segundo contaba, as de ghueso (óso) eran a súa elección, pois as de cana non lle proporcionaban un son satisfactorio e xa na última tempada as mercaba en Pontevedra. Os pallóns do ronco soía facelos coas canas dos foguetes.

A súa paixón pola música levouno a tocar a gaita durante o seu servizo militar, que durou case dous anos. Despois de rematar o servizo, emigrou a Suiza, como moitos outros da súa xeración, pero sempre mantivo as súas raíces galegas no seu corazón. 

Tristemente, Luciano faleceu en 2017 aos 84 anos de idade. Aínda que o seu instrumento xa non se conserva, unha das fotografías que o retratan tocando a súa gaita permanece como un testemuño.