Orquesta "Changüí"
Soutelo de Montes

A Orquesta Changüí foi un dúo formado por José María Gulías Picón, Caladiño, e José Fírvida Cachafeiro, Maduro, composto por acordeón e batería. Caladiño non recorda canto tempo estiveron activos. 

O nome da orquestra aparece gravado no bombo da batería. Durante este período, Caladiño tocaba a batería e Maduro tocaba o acordeón.

As hemerotecas ofrécennos pequenos tesouros que amosan a presenza de formacións musicais locais nas celebracións sociais da comarca. Entre elas destaca a Orquesta Changüí, citada en varias ocasións pola prensa galega da época como protagonista dos bailes de voda.

En dúas notas de El Pueblo Gallego, publicadas en outubro de 1956 e novembro de 1957, recóllese un mesmo patrón festivo moi propio daquel tempo: tras o acto relixioso e unha comida abundante, chegaba o momento máis esperado da xornada: o baile. E é precisamente nese intre cando a Orquesta Changüí cobra protagonismo.

El pueblo gallego: 31 de outubro de 1956:

[...]Finalizada la comida se organizó un animado baile amenizado por la orquesta Changüí que duró hasta la noche. [...]

El pueblo gallego: 21 de novembro de 1957:

[...] Despues del acto religioso se sirvió una suculenta comida y finalizada ésta se organizó un animado baile que fué amenizado por la orquesta Changüí que duró hasta la noche. [...]

En ambas crónicas sublíñase que, finalizada a comida, organizou­se un animado baile amenizado pola Orquesta Changüí, que se prolongou ata entrada a noite. 

A través destas breves pero valiosas referencias, intuímolo papel da Orquesta Changüí como parte activa e recoñecida das celebracións populares da Terra de Montes a mediados do século XX.