Casa Regal e Columbia
Os gaiteiros de Soutelo

Neste apartado poderedes ver fotografías das lousas orixinais das gravacións do cuarteto Os gaiteiros de Soutelo. Desta agrupación destacar dous feitos históricos, a gravación destes seis discos para a Casa Regal no Teatro Principal de Ourense e a viaxe por América.

Esta gravación tivo lugar no Teatro Principal de Ourense. Fermín Cachafeiro inicialmente non participou nesta etapa, xa que a súa morte ocorreu antes da sesión. Tanto na biografía de Avelino feita por Rivas Troitiño coma nas autobiografías de Avelino e Castor, indícase que a gravación foi realizada en 1928. Tamén se menciona que na gravación coincidiron coa Coral de Ruada e a banda do batallón de Mérida, pero estas foron en 1929, como indican as noticias da hemeroteca. Unha entrevista na revista Vida Gallega de 1929 proporciona un pouco máis de claridade sobre a súa historia. Nela, indícase que gravaron os discos no verán, en principio dese mesmo ano 1929 (data da publicación da entrevista), non en 1928. Polo tanto, está máis en concordancia coa teoría mantida, de momento, por Rubén Troitiño sobre que os discos foron gravados en 1929.

Os temas que deixaron gravados forman un total de 12, dous por cada disco, no catálogo publicado pola Casa Regal podemos ler os seguintes títulos:

1. FOLIADA DE BARRO DE AREU. Solo de gaitas y canto.

2. LA ALFONSINA. Muiñeira. Dúo de gaitas.

3. EICHO DE DAR QUERIDIÑA. Foliada. Dúo de gaitas.

4. A VOLTA DA FESTA. (Pasacalle). Dúo de gaitas.

5. ESTROUPELES-TROUPELE. Muiñeira. Dúo de gaitas.

6. RIANXEIRA. Foliada Rías Baixas. Dúo de gaitas.

7. FANDANGO DE PONTEVEDRA. Dúo de gaitas.

8. MUIÑEIRA DE CHANTADA. Solo de gaita por Avelino Cachafeiro

9. FOLIADA DE LUXAN. Dúo de gaitas.

10. FARRUQUIÑA, CHAMAN A PORTA. Muiñeira. Dúo de gaitas.

11. FOLIADA DE TENORIO. Solo de gaita y canto.

12. ALBORADA DE ROSALÍA DE CASTRO. Dúo de gaita por Avelino y Bautista Cachafeiro.

Os discos compartidos neste apartado son do arquivo persoal de Rubén Troitiño.

*Dato pendiente de revisión

No nomeamento das pezas atopamos un erro, están cambiados os nomes da Foliada Rías Baixas e de Estroupele-troupele.